Македонска делегација составена од претставници на Секретаријатот за европски прашања, Општина Кисела Вода и БАР Е.Ц.Е. ја посети China IPPR од 18 до 25 мај 2012 година. По тој повод беа разгледани аспектите на кинеската помош за Македонија во рехабилитацијата и проширувањето на училишните објекти. Во атмосфера на взаемно разбирање на конкретните потреби, техничките детали беа финализирани и сега може да се изработи основниот проект.
Одобрувањето на идејниот проект го потпишаа г. Wang Yulin, раководител на Секторот за проектен менаџмент во IPPR, и г. Алекса Томовски, управител на БАР Е.Ц.Е., во присуство на претставници на кинеското Министерство за трговија и на високи претставници на IPPR.
Изведбата на работите за реновирање и проширување на училиштето во Драчево, Општина Кисела Вода, започна во јуни 2012 година, со очекување новиот објект да биде подготвен за употреба во септември 2013 година. Училиштето ќе го носи името „Рајко Жинзифов — Училиште на кинеско-македонското пријателство“.
