Помош при спроведување за пречистителната станица за отпадни води во Куманово

Преглед на проектот

БАР Е.Ц.Е. потпиша консултантски договор со ЕБОР како администратор на грант-средствата обезбедени од Владата на Швајцарија во рамките на грант-фондот Швајцарија — ЕБОР Македонија MEAP, за помош при спроведување на проектот за пречистителна станица за отпадни води во Куманово. БАР Е.Ц.Е. ќе обезбеди консултантски услуги за успешна реализација на проектот со предвидено времетраење од 6 месеци, до крајот на септември.

Овој проект е поддржан од швајцарскиот Државен секретаријат за економски прашања („SECO“) за изградба на пречистителна станица за отпадни води („ПСОВ“) и главен колектор, со грант од 16.300.000,00 швајцарски франци. Главните цели на оваа задача се: поддршка во управувањето со објектот на ПСОВ во Куманово, вклучувајќи преглед на оперативните перформанси и анализа на дефекти и замена на опрема; спроведување на правилата за набавки за купување на дополнителната опрема финансирана од грантот на SECO; и поддршка на ЈП Водовод во текот на постапката за набавка и договарање. Консултантот ќе ги изврши следните задачи:

• Поддршка во управувањето со објектот на ПСОВ

• Помош при набавка на дополнителни ставки