На почетокот на учебната година се одржа свечена церемонија во ОУ "Гоце Делчев" во Прилеп со што се одбележа комплетирањето на кинескиот донациски проект за реновирање на училиштето и отворањето на новата учебна година, финансирано од страна на Владата на Народна Република Кина, координирано од IPPR и имплементирано од БАР Е.Ц.Е.

На церемонијата присуствуваа кинескиот амбасадор во Р. Македонија Г-дин Донг Чунфенг, вицепремиерот за европски прашања Г-дин Васко Наумовски, градоначалникот на Прилеп Г-дин Марјан Ристески Mr. Vasko Naumovski, како и останати многубројни гости. Износот дониран од Владата на Народна Република Кина е 4,720,000.00 кинески јуани, а БАР Е.Ц.Е. беше назначен од страна на Владата на Република Македонија и Секретаријатот за европски прашања, како имплементирачки партнер. Овој проект беше донациски проект проследен од протоколи разменети помеѓу Владите на Р. Македонија и Народна Република Кина од 6 и 10 Август 2009 година и претставуваше прв комплетен инженерски нематеријален донаторски проект обезбеден од Народна Република Кина за Р. Македонија во областа на образованието.